Lalita Sahasranama Stotram
श्री ललिता सहस्त्रनाम स्तोत्र
ध्यानम्
सिन्दूरारुणविग्रहां त्रिनयनां माणिक्यमौलिस्फुरत् तारानायकशेखरां स्मितमुखीमापीनवक्षोरुहाम् । पाणिभ्यामलिपूर्णरत्नचषकं रक्तोत्पलं बिभ्रतीं सौम्यां रत्नघटस्थरक्तचरणां ध्यायेत्परामम्बिकाम् ॥
अरूणां करुणातरङ्गिताक्षीं घृतपाशाङ्कुशपुष्पबाणचापाम् ।
अणिमादिभिरावृतां मयूखैरहमित्येव विभावये भवानीम् ॥
ध्यायेत् पद्मासनस्थां विकसितवदनां पद्यपत्रायताक्ष हेमाभां पीतवस्त्रां करकलितलसध्देमपद्या वराङ्गीम् । सर्वालङ्कारयुक्तां सततमभयदां भक्तनम्रां भवानीं श्रीविद्यां शान्तमूर्ति सकलसुरनुतां सर्वसम्पत्प्रदात्रीम् ॥
सकुङ्कुमविशेपनामलिकचुम्बिकस्तूरिकां समन्दहसितेक्षणां सशरचापपाशांकुशाम् । अशेषजनमोहिनी मरुणमाल्यभूषाम्बरां जपाकुसुमभासुरां जपविधौ स्मरेदम्बिकाम् ॥
अथ श्री ललिता सहस्त्रनाम स्तोत्रम
श्रीमाता श्रीमहाराज्ञी श्रीमत्सिंहासनेश्वरी । चिदग्नि कुण्ड सम्भूता देवकार्य समुद्यता ॥ १ ॥
उद्यभ्दानु सहस्त्राभा चतुर्बाहु समन्विता । रागस्वरूप पाशाव्या क्रोधाकाराङ्कुशोज्ज्वला ॥२॥
मनोरूपेक्षु कोदण्डा पञ्चतन्मात्र सायका । निजारूण प्रभापूर मज्जब्रह्माण्ड मण्डला ॥३॥
चम्पकाशोक पुन्नाग सौगन्धिक लसत्कचा । कुरुविन्दमणि श्रेणी कनतकोटीर मण्डिता ॥४॥
अष्टमीचन्द्र विभाज दलिकस्थल शोभिता । मुखचन्द्र कलाभ मृगनाभि विशेषका ॥५॥
वदनस्मर माङ्गल्य गृहतोरण चिल्लिका । वक्त्रलक्ष्मी परीवाह चलन्मीनाभ लोचना ||६||
नवचम्पक पुष्पाभ नासादण्ड विराजिता । ताराकान्ति तिरस्कारि नासाभरण भासुरा ॥७॥
कदम्बमञ्जरी क्लृप्त कर्णपूर मनोहरा । ताटङ्क युगली भूत तपनोडुप मण्डला ॥८॥
पद्यरागशिलादर्श परिभावि कपोलभूः । नवविद्रुम बिम्बश्री न्यक्कारिदशनच्छदा ||९||
शुध्दविद्यांकुराकार द्विजपंक्ति द्वयोज्ज्वला । कर्पूरवीटिकामोद समाकर्षि दिगन्तरा ॥१०॥
निज संलाप माधुर्य विनिर्भर्सित कच्छपी । मन्दस्मित प्रभापूर मज्जत्कामेश मानसा ||११||
अनाकलित सादृश्य चिबुकश्री विराजिता । कामेश बध्द मांगल्य सूत्र शोभित कन्धरा ||१२||
कनकांगद केयूर कमनीय भुजान्विता । रत्नग्रैवेय चिन्ताक लोल मुक्ता फलान्विता ॥ १३॥
कामेश्वर प्रेमरत्न मणि प्रतिपण स्तनी । नाभ्यालवाल रोमालि लता फल कुचद्वयी ॥१४॥
लक्ष्यरोम लताधारता समुन्नेय मध्यमा । स्तनभार दलन्मध्य पट्टबन्ध वलित्रया ||१५||
अरुणारुणकौसुंभ वस्त्र भास्वत् कटीतटी । रत्न किंकिणिका रम्य रशना दाम भूषिता || १६ ||
कामेश ज्ञात सौभाग्य मार्दवीरू द्वयान्विता । माणिक्य मुकुटाकार जानुद्वय विराजिता ॥१७॥
इन्द्रगोप परिक्षिप्त स्मरतूणाभ जंधिका । गूढगुल्फा कूर्मपृष्ठ जयिष्णु प्रपदान्विता || १८ ||
नव दीधिती संछन्न नमज्जन तमोगुणा | पदद्वय प्रभाजाल पराकृत सरोरुहा || १९ ॥
सिंजान मणिमंजीर मण्डित श्री पदांबुजा । मराली मन्दगमना महालावण्य शेवधिः ॥२०॥
सर्वारुणाऽनवद्यांगी सर्वाभरण भूषिता । शिव कामेश्वरांकस्था शिवा स्वाधीन वल्लभा ॥ २१ ॥
सुमेरू मध्य श्रृंगस्था श्रीमन्नगर नायिका । चिन्तामणि गृहान्तस्था पंच ब्रह्मासन स्थिता ॥२२
महापद्माटवी संस्था कदंबवन वासिनी । सुधासागर मध्यस्था कामाक्षी कामदायिनी ||२३||
देवर्षिगण संघात स्तूयमानात्म वैभवा । भण्डासुर वधोयुक्त शक्तिसेना समन्विता ॥ २४ ॥
संपत्करी समारूढ सिंधुर व्रज सेविता । अश्वारूढाधिष्टिताश्व कोटि कोटिभि रावृता ॥ २५ ॥
चक्रराज रथारूढ सर्वायुध परिष्कृता । गेयचक्र रथारूढ मंत्रिणी परिसेविता ॥ २६ ॥
किरिचक्र रथारूढ दण्डनाथा पुरस्कृता । ज्वालामालिनिकाक्षिप्त वह्निप्राकार मध्यगा ॥ २७ ॥
भण्डसैन्य वधोयुक्त शक्ति विक्रम हर्षिता । नित्या पराक्रमाटोप निरीक्षण समुत्सुका ॥२८॥
भण्डपुत्र वधोयुक्त बाला विक्रम नन्दिता । मन्त्रिण्यंबा विरचित विपंग वध तोषिता ॥२९॥
विशुक्र प्राणहरण वाराही वीर्य नंदिता । कामेश्वर मुखालोक कल्पित श्रीगणेश्वरा ॥३०॥
महागणेश निर्भिन्न विघ्नयन्त्र प्रहर्षिता । भण्डासुरेन्द्र निर्मुक्त शस्त्र प्रत्यस्त्र वर्षिणी ||३१||
करांगुलि नवोत्पन्न नारायण दशाकृतिः । महा पाशुपतास्त्राग्नि निर्दग्धासुर सैनिका ||३२||
कामेश्वरास्त्र निर्दग्ध सभण्डासुर शून्यका । ब्रह्मोपेन्द्र महेन्द्रादि देव संस्तुत वैभवा ||३३||
हर नेत्राग्नि संदग्ध काम संजीवनौषधिः । श्रीमद्वाग्भव कूटैक स्वरूप मुख पंकजा ||२४||
कण्ठाधः कटि पर्यन्त मध्यकूट स्वरूपिणी । शक्तिकूटैकतापन्न कट्यधोभाग धारिणी ॥ ३५ ॥
मूलमन्त्रात्मिका मूलकूटत्रय कलेबरा । कुलामृतैक रसिका कुलसंकेत पालिनी ॥३६॥
कुलांगना कुलान्तस्था कौलिनी कुलयोगिनी । अकुला समयान्तस्था संमयाचार तत्परा ॥३७॥
मूलाधारैक निलया ब्रह्मग्रन्थि विभेदिनी । मणिपूरान्तरुदिता विष्णुग्रन्थि विभेदिनी ॥३८॥
आज्ञाचक्रान्तरालस्था रुद्रग्रन्थि विभेदिनी । सहस्त्रारांबुजारूढा सुधासाराभिवर्षिणी ॥ ३९ ॥
तडिल्लता समरूचिः षट्चक्रोपरि संस्थिता । महासक्ति: कुण्डलिनी बिसतन्तु तनीयसी ||४०||
भवानी भावनागम्या भवारण्य कुठारिका । भवप्रिया भवमूर्ति भक्त सौभाग्यदायिनी ॥४१॥
भक्तिप्रिया भक्तिगम्या भक्तिवश्या भयापहा । शांभवी शारदाराध्या शर्वाणी शर्मदायिनी ॥ ४२ ॥
शांकरी श्रीकरी साध्वी शरच्चन्द्र निभानना । शातोदरी शान्तिमती निराधारा निरंजना ||४३||
निर्लेपा निर्मला नित्या निराकारा निराकुला | निर्गुणा निष्कला शान्ता निष्कामा निरूपल्लवा ॥४४॥
नित्यमुक्ता निर्विकारा निष्प्रपंचा निराश्रया । नित्यशुध्दा नित्यबुध्दा निरवद्या निरन्तरा ॥ ४५ ॥
निष्कारणा निष्कलंका निरुपाधि निरीश्वरा । नीरागा रागमथनी निर्मदा मदनाशिनी ॥ ४६ ॥
निश्चिन्ता निरहंकारा निर्मोहा मोहनाशिनी । निममा ममताहन्त्री निष्पापा पापनाशीनी ॥४७॥
निष्क्रोधा क्रोधशमनी निर्लोभा लोभनाशिनी । निःसंशया संशयघ्नी निर्भवा भवनाशिनी ॥ ४८ ॥
निर्विकल्पा निराबाधा निर्भेदा भेदनाशिनी । निर्माशा मृत्युमथनी निष्क्रिया निष्परिग्रहा ॥ ४९ ॥
निस्तुला नीलचिकुरा निरपाया निरत्यया । दुर्लभा दुर्गमा दुर्गा दु:खहन्त्री सुखप्रदा ॥५०॥
दुष्टदूरा दुराचारशमनी दोष वर्जिता । सर्वज्ञा सान्द्रकरूणा. समानाधिक वर्जिता ॥ ५१ ॥
सर्वशक्तिमयी सर्वमंगला सद्गति प्रदा । सर्वेश्वरी सर्वमयी सर्वमन्त्र स्वरूपिणी ॥५२॥
सर्व यन्त्रात्मिका सर्व तन्त्ररूपा मनोन्मनी । माहेश्वरी महादेवी महालक्ष्मी र्मृडप्रिया ॥५३॥
महारूपा महापूज्या महा पातक नाशिनी । महामाया महासत्वा महाशक्ति महारतिः ॥५४॥
महाभोगा महैश्वर्या महावीर्या महाबला । महाबुध्दि महासिध्दि महायोगेश्वरेश्वरी ॥५५॥
महातन्त्रा महामन्त्रा महायन्त्रा महासना । महायाग क्रमाराध्या महाभैरव पूजिता ॥ ५६ ॥
महेश्वर महाकल्प महाताण्डव साक्षिणी । ' महाकामेश महिषी महात्रिपुरसुन्दरी ॥५७॥
चतुष्षष्ट्युपचाराढ्या चतुष्षष्टिकलामयी । महाचतुः षष्टिकोटि योगिनी गणसेविता ॥ ५८ ॥
मनुविद्या चन्द्रविद्या चन्द्रमण्डल मध्यगा । चारुरूपा चारुहासा चारुचन्द्र कलाधरा ॥५९ ॥
चराचर जगन्नाथा चक्रराज निकेतना । पार्वती पद्मनयना पद्मराग समप्रभा ॥६०॥
पंचप्रेतासनासीना पंचब्रह्मस्वरूपिणी । चिन्मयी परमानन्दा विज्ञानधनरूपिणी ॥ ६१ ॥
ध्यान ध्यातृ ध्येयरूपा धर्माधर्म विवर्जिता । विश्वरुपा जागरिणी स्वपन्ती तैजसात्मिका ॥६२॥
सुप्ता प्राज्ञात्मिका तुर्या सर्वावस्था विवर्जिता । सृष्टिकर्त्री ब्रह्मरूपा गोप्त्री गोविन्दरूपिणी ॥
संहारिणी रूद्ररूपा तिरोधानकरीश्वरी । सदाशिवाऽनुग्रहदा पंचकृत्यपरायणा ||६४ ॥
भानुमण्डल मध्यस्था भैरवी भगमालिनी । पद्मासना भगवती पद्मनाभ सहोदरी ॥६५॥
उन्मेष निमिषोत्पन्न विपन्न भुवनावली । सहस्त्रशीर्षवदना सहस्त्राक्षी सहस्त्रपात् ॥६६॥
आब्रह्म कीट जननी वर्णाश्रम विधायिनी । निजाज्ञारूप निगमा पुण्यापुण्य फलप्रदा ॥६७॥
श्रुति सीमन्त सिन्दूरी कृत पादाब्जधूलिका । सकलागम संदोह शुक्ति संपुट मौक्तिका ॥६८॥
पुरुषार्थ प्रदा पूर्णा भोगिनी भुवनेश्वरी । अंबिकाऽनादि निधना हरिब्रह्मेन्द सेविता ॥ ६९ ॥
नारायणी नादरूपा नामरूप विवर्जिता । ह्रींकारी ह्रीमती हेयोपादेय वर्जिता ॥७०॥
राजराजार्चिता राज्ञी रम्या राजीव लोचना । रंजनी रमणी रस्या रणत्किंकिणी मेखला ॥७१॥
रमा राकेन्दु वदना रतिरूपा रतिप्रिया । रक्षाकरी राक्षसघ्नी रामा रमणलंपटा ॥७२॥
काम्या कामकलारूपा कदंब कुसुम प्रिया । कल्याणी जगती कन्दा करूणा रस सागरा ॥७३॥
कलावती कलालापा कान्ता कादंबरी प्रिया । वरदा वामनयना वारूणी मद विह्वला ॥७४॥
विश्वाधिका वेदवेद्या विन्ध्याचल निवासिनी । विधात्री वेदजननी विष्णुमाया विलासिनी ॥७५॥
क्षेत्रस्वरूपा क्षेत्रेशी क्षेत्र क्षेत्रज्ञ पालिनी । क्षयवृध्दि विनिर्मुक्ता क्षेत्रपाल समर्थिता ॥७६॥
विजया विमला वन्द्या चन्दारू जन वत्सला । वाग्वादिनी वामकेशी वहिनमण्डल वासिनी ॥७७॥
भक्तिमत् कल्पलतिका पशुपाश विमोचिनी । संहताशेष पापण्डा सदाचार प्रवर्तिका ॥७८॥
तापत्रयाग्नि संतप्त समाह्लादन चन्द्रिका । तरूणी तापसाराध्या तनुमध्या तमोपहा ॥७९॥
चिति स्तत्पद लक्ष्यार्था चिदेकरस रूपिणी । स्वात्मानन्द लवीभूत ब्रह्माद्यानन्द सन्ततिः ॥८०॥
परा प्रत्यक् चितीरूपा पश्यन्ती परदेवता । मध्यमा वैखरी रूपा भक्त मानस हंसिका ॥ ८१ ॥
कामेश्वर प्राणनाडी कृतज्ञा कामपूजिता । श्रृंगार रस संपूर्णा जया जालंधर स्थिता ॥८२॥
ओड्याण पीठ निलया बिन्दु मण्डलवासिनी । रहोयाग क्रमाराध्या रहस्तर्पण तर्पिता ॥ ८३ ॥
सद्य: प्रसादिनी विश्वसाक्षिणी साक्षिवर्जिता । पडंगदेवता युक्ता षाड्गुण्य परिपूरिता ॥८४॥
नित्य क्लिन्ना निरूपमा निर्वाण सुख दायिनी । नित्याषोडशिका रूपा श्रीकण्ठार्ध शरीरिणी ॥८५॥
प्रभावती प्रभारूपा प्रसिध्दा परमेश्वरी । मूलप्रकृति रव्यक्ता व्यक्ताव्यक्त स्वरूपिणी ॥८६॥
व्यापिनी विविधाकारा विद्याविद्या स्वरूपिणी । महाकामेश नयन कुमुदाहह्लाद कौमुदी ॥ ८७ ॥
भक्त हार्द तमो भेद भानुमभ्दानु सन्ततिः । शिवदूती शिवाराध्या शिवमूर्तिः शिवंकरी ॥८८॥
शिवप्रिया शिवपरा शिष्टेष्टा शिष्टपूजिता । अप्रमेया स्वप्रकाशा मनो वाचामगोचरा ॥ ८९ ॥
चिच्छक्ति श्चेतना रूपा जडशक्ति र्जडात्मिका । गायत्री व्याहतिः संध्या द्विजबृन्द निषेविता ॥९०॥
तत्वासना तत्वमयी पंचकोशान्तर स्थिता । निःसीम महिमा नित्य यौवना मदशालिनी ॥९१॥
मदघूर्णित रक्ताक्षी मदपाटल गण्डभूः । चन्दन द्रव दिग्धांगी चांपेय कुसुम प्रिया ॥९२॥
कुशला कोमलाकारा कुरूकुल्ला कुलेश्वरी । कुलकुण्डालया कौलमार्ग तत्पर सेविता ॥९३॥
कुमार गणनाथांबा तुष्टिः पुष्टि मति धृतिः । शान्तिः स्वस्तिमती कान्ति विघ्ननाशिनी ॥९४॥
तेजोवती त्रिनयना लोलाक्षी कामरूपिणी । मालिनी हंसिनी माता मलयाचल वासिनी ॥९५॥
सुमुखी नलिनी सुभूः शोभना सुरनायिका । कालकण्ठी कान्तिमती क्षोभिणी सूक्ष्मरूपिणी ॥९६॥
वज्रेश्वरी वामदेवी वयोवस्था विवर्जिता । सिध्देश्वरी सिध्दविद्या सिध्दमाता यशस्विनी ॥९७॥
विशुध्दिचक्र निलयाऽऽरक्तवर्णा त्रिलोचना । खट्वांगादि प्रहरणा वदनैक समन्विता ॥९८॥
पायसान्न प्रिया त्वकस्था पशुलोक भयंकरी । अमृतादि महाशक्ति संवृता डाकिनीश्वरी ॥९९॥
अनाहताब्ज निलया श्यामाभा वदनद्वया । वंष्ट्रोज्ज्वलाक्षमालादि धरा रूधिर संस्थिता ||१००॥
कालरात्र्यादि शक्त्यौध वृता स्निग्धोदन प्रिया । महावीरेन्द्र वरदा राकिण्यंबा स्वरूपिणी ॥ १०१ ॥
मणिपूराब्ज निलया वदनत्रय संयुता । वज्रादिकायुधोपेता डामर्यादिभि रावृता ॥१०२॥
रक्तवर्णा मांसनिष्ठा गुडान्न प्रीत मानसा । समस्तभक्त सुखदा लाकिन्यंबा स्वरूपिणी ॥१०३॥
स्वाधिष्ठानांबुजगता चतुर्वक्त्र मनोहरा । शूलाद्यायुध संपन्ना पीतवर्णातिगर्विता ॥ १०४ ॥
मेदो निष्ठा मधुप्रीता बन्धिन्यादि समन्विता । दध्यन्नासक्त हृदया काकिनी रूप धारिणी ॥१०५॥
मूलाधारांबुजारूढा पंचवक्रास्थि संस्थिता । अंकुशादि प्रहरणा वरदादि निषेविता ॥ १०६ ॥
मुद्रौदनासक्त चित्ता साकिन्यंबा स्वरूपिणी । आज्ञा चक्राब्ज निलया शुक्लवर्णा षडानना ॥ १०७ ॥
मज्जा संस्था हंसवती मुख्य शक्ति समन्विता । हरिद्रान्नैक रसिका हाकिनी रूप धारिणी ॥ १०८ ॥
सहस्त्रदल पद्यस्था सर्व वर्णोंप शोभिता । सर्वायुध धरा शुक्ल संस्थिता सर्वतोमुखी ॥ १०९ ॥
सर्वोदन प्रीतचित्ता याकिन्यंबा स्वरूपिणी । स्वाहा स्वधाऽमति मेधा श्रुति स्मृति रनुत्तमा ॥ ११० ॥
पुण्यकीर्तिः पुण्यलभ्या पुण्यश्रवण कीर्तना । पुलोमजार्चिता बन्धमोचनी बर्बरालका ॥ १११ ॥
विमर्शरूपिणी विद्या वियदादि जगत्प्रसूः । सर्वव्याधि प्रशमनी सर्वमृत्यु निवारिणी ॥ ११२ ॥
अग्रगण्याऽचिन्त्यरूपा कलिकल्मष नाशिनी । कात्यायनी कालहन्त्री कमलाक्ष निषेविता ॥११३॥
तांबूल पूरित मुखी दाडिमी कुसुम प्रभा । मृगाक्षी मोहिनी मुख्या मृडानी मित्ररूपिणी ॥११४॥
नित्य तृप्ता भक्तनिधि नियन्त्री निखिलेश्वरी । मैत्र्यादि वासनालभ्या महा प्रलय साक्षिणी ॥११५॥
पराशक्तिः परानिष्ठा प्रज्ञानघन रूपिणी । माध्वीपानालसा भत्ता मातृका वर्ण रूपिणी ॥ ११६ ॥
महाकैलास निलया मृणाल मृदु दोर्लता । महनीया दयामूर्ति महासाम्राज्य शालिनी ॥११७॥
आत्मविद्या महाविद्या श्रीविद्या कामसेविता । श्रीषोडशाक्षरीविद्या त्रिकूटा कामकोटिका ॥११८॥
कटाक्ष किंकरी भूत कमला कोटि सेविता । शिरस्थिता चन्द्रनिभा भालस्थेन्द्र धनुः प्रभा ॥ ११९ ॥
हृदयस्था रविप्रख्या त्रिकोणान्तर दीपिका । दाक्षायणी दैत्यहन्त्री दक्षयज्ञविनाशिनी ॥१२०॥
दरान्दोलित दीर्घाक्षी दरहासोज्ज्वलन्मुखी । गुरु मूर्ति गुणनिधि गोमाता गुहजन्म भूः ॥१२१॥
देवेशी दण्डनीतिस्था दहराकाश रूपिणी । प्रतिपन्मुख्य राकान्त तिथी मण्डल पूजिता ॥ १२२ ॥
कलात्मिका कलानाथा काव्यालाप विमोदिनी । सचामर रमा वाणी सव्य दक्षिण सेविता ॥ १२३॥
आदिशक्ति रमेयाऽऽत्मा परमा पावनाकृतिः । अनेक कोटि ब्रह्माण्ड जननी दिव्य विग्रहा ||१२४||
विलंकारी केवला गुल्या कैवल्य पद दायिनी । त्रिपुरा त्रिजगद्वन्द्या त्रिमूर्ती स्त्रिदशेश्वरी ॥। १२५ ।।
यक्षरी दिव्य गन्धाढ्या सिन्दूर तिलकांचिता । उमा शैलेन्द्रतनया गौरी गन्धर्व सेविता ।। १२६ ।।
विश्वगर्भा स्वर्णगर्भाऽवरदा वागधीश्वरी । ध्यानगम्याऽपरिच्छेद्या ज्ञानदा ज्ञानविग्रहा ॥१२७॥
सर्व वेदान्त संवेद्या सत्यानन्द स्वरूपिणी । लोपामुद्रार्चिता लीलाक्लुप्त ब्रह्माण्ड मण्डला || १२८ ||
अश्या दृश्यरहिता विज्ञात्री वेद्य वर्जिता । योगिनी योगदा योग्या योगानन्दा युगन्धरा ॥ १२९ ॥
इच्छाशक्ति ज्ञानशक्ति क्रियाशक्ति स्वरूपिणी । सर्वाधारा सुप्रतिष्ठा सदसदूप धारिणी ॥ १३० ॥
अष्टमूर्ति रजाजेत्री लोकयात्रा विधायिनी । एकाकिनी भूमरूपा निद्वैता द्वैतवर्जिता ॥ १३१ ॥
अन्नदा वसुवा वृध्दा ब्रह्मात्मैक्य स्वरूपिणी । बृहती ब्राह्मणी ब्राह्मी ब्रह्मानन्दा बलिप्रिया ॥१३२ ||
भाषारूपा बृहत्सेना भावाभाव विवर्जिता । सुरखाराध्या शुभकारी शोभनासुलभागतिः ॥१३३॥
राजराजेश्वरी राज्यदायिनी राज्यवल्लभा । राजत्कृपा राजपीठ निवेशित निजांश्रिता ॥ १३४ ॥
राज्यलक्ष्मी: कोशनाथा चतुरंग बलेश्वरी । साम्राज्य दायिनी सत्यसन्धा सागरमेखला ॥१३७॥
दीक्षिता दैत्यशमनी सर्वलोकवशंकरी । सर्वार्थदात्री सावित्री सच्चिदानन्द रूपिणी ॥ १३६ ॥
देशकालापरिच्छिन्ना सर्वगा सर्वमोहिनी । सरस्वती शास्त्रमयी गुहांबा गुह्यरूपिणी ॥१३७॥
सर्वोपाधि विनिर्मुक्ता सदाशिव पतिव्रता । संप्रदायेश्वरी साध्वी गुरूमण्डल रूपिणी ॥ १३८ ॥
कुलोत्तीर्णा भगाराध्या माया मधुमती मही । गणांबा गुह्यकाराध्या कोमलांगी गुरूप्रिया ॥ १३९ ॥
स्वतन्त्रा सर्वतन्त्रेशी दक्षिणामूर्ति रूपिणी । सनकादि समाराध्या शिवज्ञान प्रदायिनी ॥ १४० ॥
चित्कलाऽऽनन्द कलिका प्रेमरूपा प्रियंकरी । नामपारायण प्रीता नन्दिविद्या नटेश्वरी ||१४१ ॥
मिथ्या जगदधिष्ठाना मुक्तिदा मुक्तिरूपिणी । लास्यप्रिया लयकरी लज्जा रभादिवन्दिता ॥ १४२ ॥
भवदाव सुधावृष्टिः पापारण्य दवानला । दौर्भाग्य तुलवातूला जराध्वान्तरविप्रभा || १४३ ॥
भाग्याब्धि चन्द्रिका भक्त चित्त केकि घनाघना । रोगपर्वत दंभोलि मृत्युदारू कुठारिका ॥ १४४ ॥
महेश्वरी महाकाली महाग्रासा महाशना । अपर्णा चण्डिका चण्डमुण्डासुर निषूदिनी ॥१४५॥
क्षराक्षरात्मिका सर्वलोकेशी विश्वधारिणी । त्रिवर्गदात्री सुभगा त्र्यंबका त्रिगुणात्मिका ॥ १४६ ॥
स्वर्गापवर्गदा शुध्दा जपापुष्प निभाकृतिः । ओजोवती युतिधरा यज्ञरूपा प्रियव्रता ॥ १४७ ॥
दुराराध्या दुराधर्षा पाटली कुसुम प्रिया । महती मेरूनिलया मन्दार कुसुम प्रिया ॥ १४८ ॥
वीराराध्या विरारूपा विरजा विश्वतोमुखी । प्रत्यग् रूपा पराकाशा प्राणदा प्राणरूपिणी ॥ १४९ ॥
मार्तण्ड भैरवाराध्या मन्त्रिणी व्यस्त राज्यधूः । त्रिपुरेशी जयत्सेना निस्त्रैगुण्या परापरा ॥ १५०॥
सत्यज्ञानानन्द रूपा सामरस्य परायणा । कपर्दिनी कलामाला कामधु क्काम रूपिणी ॥ १५१ ||
कलानिधिः काव्यकला रसज्ञा रसशेवधिः । पुष्टा पुरातना पूज्या पुष्करा पुष्करेक्षणा ॥ १५२ ॥
परंज्योतिः परंधाम परमाणुः परात्परा । पाशहस्ता पाशहन्त्री परमन्त्र विभेदिनी ॥१५३॥
मूर्ताऽमूर्ताऽनित्यतृप्ता मुनिमानस हंसिका । सत्यव्रता सत्यरूपा सर्वान्तर्यामिणी सती ॥ १५४ ॥
ब्रह्माणी ब्रह्मजननी बहुरूपा बुधार्चिता । प्रसवित्री प्रचण्डाऽऽज्ञा प्रतिष्ठा प्रकटाकृतिः ॥ १५५ ॥
प्राणेश्वरी प्राणदात्री पंचाशत्पीठ रूपिणी । विशृंखला विविक्तस्था वीरमाता वियत्प्रसूः ॥ १५६ ॥
मुकुन्दा मुक्तिनिलया मूलविग्रह रूपिणी । भावज्ञा भवरोगघ्नी भवचक्र प्रवर्तिनी ॥ १५७ ॥
छन्दः सारा शास्त्रसारा मन्त्रसारा तलोदरी । उदारकीर्ति रुद्दामवैभवा वर्णरूपिणी ॥१५८ ॥
जन्ममृत्यु जरातप्त जन विश्रान्ति दायिनी । सर्वोपनिष दुध्दुष्ठा शान्त्यतीत कलात्मिका ॥ १५९ ॥
गंभीरा गगनान्तस्था गर्विता मानलोलुपा । कल्पना रहिता काष्ठाऽकान्ता कान्तार्ध विग्रहा ||१६०||
कार्यकारण निर्मुक्ता कामकेली तरंगिता । कनत्कनक ताटंका लीला विग्रह धारिणी ||१६१ ||
अजा क्षयविनिर्मुक्ता मुग्धा क्षिप्र प्रसादिनी । अन्तर्मुख समाराध्या बहिर्मुख सुदुर्लभा ॥ १६२ ॥
त्रयी त्रिवर्ग निलया त्रिस्था त्रिपुर मालिनी । निरामया निरालंबा स्वात्मारामा सुधामृतिः ॥ १६३॥
संसारपंक निर्मग्न समुध्दरण पण्डिता । यज्ञप्रिया यज्ञकर्त्री यजमान स्वरूपिणी ॥१६४॥
धर्माधारा धनाध्यक्षा धनधान्य विवर्धिनी । विप्रप्रिया विप्ररूपा विश्वभ्रमण कारिणी ॥१६५॥
विश्वग्रासा विदुमाभा वैष्णवी विष्णुरूपिणी । अयोनि योनि निलया कूटस्था कुलरूपिणी ॥१६६॥
वीरगोष्ठी प्रिया वीरा नैष्कर्म्या नादरूपिणी । विज्ञानकलना कल्या विद्धा बैन्दवासना ||१६७ ||
तत्वाधिका तत्वमयी तत्वमर्थ स्वरूपिणी । सामगान प्रिया सोम्या सदाशिव कुटुंबिनी ॥ १६८ ॥
सव्यापसव्य मार्गस्था सर्वापद्विनिवारिणी । स्वस्था स्वभावमधुरा धीरा धीरसमर्थिता ॥ १६९ ॥
चैतन्यार्ध्य समाराध्या चैतन्य कुसुम प्रिया । सदोदिता सदातुष्टा तरुणादित्य पाटला ||१७० ॥
दक्षिणा दक्षिणाराध्या दरस्मेर मुखांबुजा । कौलिनी केवलाऽनये कैवल्य पद दायिनी ॥ १७१ ॥
स्तोत्र प्रिया स्तुतिमती श्रुति संस्तुतवैभवा । मनस्विनी मानवती महेशी मंगलाकृतिः ॥ १७२ ॥
विश्वमाता जगध्यात्री विशालाक्षी विरागिणी । प्रगल्भा परमोदारा परामोदा मनोमयी ॥१७३॥
व्योमकेशी विमानस्था वज्रिणी वामकेश्वरी । पंचयज्ञ प्रिया पंचप्रेत मंचाधिशायिनी ॥१७४॥
पंचमी पंचभूतेशी पंचसंख्योपचारिणी । शाश्वती शाश्वतैश्वर्या शर्मदा शंभुमोहिनी ॥ १७५ ॥
धरा धरसुता धन्या धर्मिणी धर्मवर्धिनी । लोकातीता गुणातीता सर्वातीता शमात्मिका ॥ १७६ ॥
बन्धूक कुसुम प्रख्या बाला लीला विनोदिनी । सुमंगली सुखकरी सुवेषाढ्या सुवासिनी ॥१७७ ॥
सुवासिन्यर्चन प्रीताऽऽशोभना शुध्द मानसा । बिन्दु तर्पण सन्तुष्टा पूर्वजा त्रिपुरांबिका ||१७८ ||
दशमुद्रा समाराध्या त्रिपुरा श्रीवशंकरी । ज्ञानमुद्रा ज्ञानगम्या ज्ञान ज्ञेय स्वरूपिणी ॥ १७९ ॥
योनिमुद्रा त्रिखण्डेशी त्रिगुणांबा त्रिकोणगा । अनघाऽभ्युत चारित्रा वांछितार्थ प्रदायिनी ॥१८०॥
अभ्यासातिशय ज्ञाता पडवातीत रूपिणी । अव्याज करूणा मूर्ति रज्ञान ध्वान्त दीपिका ||१८१ ||
आबाल गोप विदिता सर्वानुल्लंध्य शासना । श्रीचक्रराज निलया श्रीमत् त्रिपुरसुन्दरी ॥ १८२ ॥
श्रीशिवा शिव शक्त्यैक्यरूपिणी ललितांबिका ॥ॐ ॥ इति श्री ब्रह्माण्डपुराणे उत्तरखण्डे श्री हयग्रीवागस्य संवादे श्री ललितासहस्त्रनाम स्तोत्र कथनं संपूर्णम ॥
कोणत्याही टिप्पण्या नाहीत: