श्रीदत्ताची आरती
त्रिगुणात्मक त्रैमूर्ती दत्त हा जाणा।
त्रिगुणी अवतार त्रैलोक्य राणा ।
नेती नेती शब्द न ये अनुमाना ॥
सुरवर मुनिजन योगी समाधी न ये ध्याना ॥ १ ॥
जय देव जय देव जय श्री गुरुद्त्ता । आरती ओवाळिता हरली भवचिंता ॥ धृ ॥
सबाह्य अभ्यंतरी तू एक दत्त ।
अभाग्यासी कैची कळेल हि मात ॥
पराही परतली तेथे कैचा हेत ।
जन्ममरणाचाही पुरलासे अंत ॥ २ ॥
दत्त येऊनिया ऊभा ठाकला ।
भावे साष्टांगेसी प्रणिपात केला ॥
प्रसन्न होऊनि आशीर्वाद दिधला ।
जन्ममरणाचा फेरा चुकवीला ॥ ३ ॥
दत्त दत्त ऐसें लागले ध्यान ।
हरपले मन झाले उन्मन ॥
मी तू पणाची झाली बोळवण ।
एका जनार्दनी श्रीदत्तध्यान ॥ ४ ॥
जय देव जय देव जय श्री गुरुद्त्ता । आरती ओवाळिता हरली भवचिंता ॥ धृ ॥
श्री दत्तात्रेयांची आरती
जय अनसूयात्मज श्री दत्तात्रेय आरती अवधूता।
सिद्ध मुकुटमणी ब्रह्मज्ञानी सुरनरभ्रमहर्ता ।। धृ।।
मदनमनोहर ध्यान दिगंबर शमवी मम चित्ता ।
चरणी पादुका कटी मेखला जटामुकुट माथा ॥ १॥
पुराण पुरुषोत्तम त्वा धरिले अगणित अवतारा ।
श्रीपाद श्रीवल्लभ नृसिंहसरस्वती दातारा ॥ २॥
मूढमती अति पतित दीन परी आलो शरण तुला ।
कृपामृते निजस्वरुपे रमवूनी उद्धरी दासाला ॥ ३॥
Shree Dattanchi Aarti दत्ताची आरती
Reviewed by General Information
on
जुलै २६, २०२३
Rating:
Reviewed by General Information
on
जुलै २६, २०२३
Rating:
कोणत्याही टिप्पण्या नाहीत: